Skip to main content
Home
Vaarppu
A Tamil poetry magazine

Main navigation

  • கவிஞர்கள்
  • கவிதைகள்
  • விமர்சனங்கள்
  • நேர்காணல்கள்
  • கட்டுரைகள்
User account menu
  • Log in

Breadcrumb

  1. Home

ஊசலாடுகிறதே.. வெளிச்சத்து.. மிதக்கும்

- கலைமகள் ஹிதாயா றிஸ்வி

ஊசலாடுகிறதே உயிர்.. வெளிச்சத்துக்கு வந்து விடு.. மிதக்கும் கனவுகள்...!!

01.
ஊசலாடுகிறதே உயிர்!!!
----------------------------

சுடு காட்டுத் தணல் வீசும்
இந்த அக்கினிக் கிடங்கை
இன்னும் நாம் காவிக் கொண்டு ....!

வெற்றுடம் பெங்கும்
பயவுணர்கள் உரசுவது
இந்த நூற்றாண்டில் தான்

கையினில்
உயிரைப் போத்தியும்
ஏதோவொரு அந்தரிப்பில்
ஊசலாடுகிறதே உயிர்!

சதைசப்பி உமிழ்ந்து
குதறுவதான கனாக்களோடு
புரளுகிறது இரவுகள்
மீந்திருப்பவைகள்
விழி நீர்க் கசிவுகளும்
மாயைகளுமாய்.....

ஒரு மித்துக் கூவுவோம் இனி
சமாதானமென
இல்லையேல்
சமாதானக் காற்றினை
உள் வாங்கிட
அண்டவெளி சென்றாலும்
முண்டங்களைத் தானே
கொண்டு வரும்
வெண்புறாக்கள்!!



02.
வெளிச்சத்துக்கு வந்து விடு.....!!
----------------------------------------

நீ
வெளிச்சத்தின்
விலாசத்தை
விசாரிக்கிறாய்
பிறரிடம்
அது உன்
விழி வாசல்களில்
உட்கார்ந்திருப்பதை
உணராமல்
சமூக விலங்குகளுக்கு
சத்தியம் செய்து கொடுத்தாய்
சத்தியம் எது
என்று உணராமல்
இப்போது
உன்
உடல் காட்டுக்குள்
உணர்ச்சித் தீ
அடிக்கடி
பற்றிக் கொள்ள
நீ
அவதிப்படுகிறாய்
வெளியுலகத்திற்கு
நீ தூய்மையானவள் தான்
இருந்தாலும்
உள்ளத் தூய்மைக்கு
உணர்ச்சித் தூரிகை
உரசி உரசி
அடிக்கடி
வண்ணம் தீட்டுகிறதே
உணர்துக் கொள்
இன்னும் உன்
உணர்ச்சிக் கலை
உறங்கவில்லை என்று
இங்கே
ஒரு சோலைவனம்
உனக்காக காத்திருக்க
நீ ஏன் இன்னும்
பாலைவனத்துக்கு
பல்லைக் காட்டுகிறாய்
போலி வாழ்க்கைக்கு
கட்டிய தாலியை
கழற்றி எறி
உனக்காக ஏற
இன்னும் ஒரு தாலி
இங்கே காத்திருக்கிறது
உன்
உணர்ச்சித் தொட்டாக்களே
ஒரு நாள்
சமூக விலங்குகளை
சுட்டு வீழ்த்தும்
அதற்கு முன்னே
கழற்றி
எரிந்து விட்டு
நீயே வந்து விடு
இருட்டுக்குள் நீ
குருட்டுக் கண்
கண்டது போதும்
இனி
வெளிச்சத்துக்கு வந்து விடு......



03.
மிதக்கும் கனவுகள்...!!
-------------------------------

மனசு
வெறிபிடித்த கணவரின் போராட்டத்தில்
துடிக்கும்..

கற்பனைகள்
என் உள்ளத்தின் உணர்வுகளாய்
பிம்பம் சேர்க்கும்...

சுவாசத்தின்
ஏக்கப் பெரு மூச்சு
என் கவலைக்கு தீ மூட்டும்

பிள்ளைப் பேறு நேரம்
தாய் மடிக்கு வரும் சின்ன ஊற்று
இதயத்துக்கு குளிர்ச்சியைச் சேர்க்கும்..

சிசுவின் கதறல்களுக்கு பால்
கொடுக்க
என் நெஞ்சுச் சூட்டில் முகம் பதிய
சின்னக் கரங்கள் விளையாடும்.
பாசம் சுரந்து
தாய்மையின் உணர்வுகளில்
என் மன விழிகள்..!!

ஆத்மாக்களின்
பரிதாப அவலங்கள்
காணாமல் போக
சிசுக்களின் பிறப்புக்களில்
இதயம் மகிழும்...

இல்லற வாழ்விலே
இணைந்து போக
கனவுகள் மிதக்க
என் தமிழைப் போல்
எழுத்துக்கள் கவிதையாகும்
கலையுலகில்....


----------------------------------------
http://www.kalaimahelhidayapoem.blogspot.com/
பிரசுரிக்கப்பட்ட திகதி: 2011-07-30


Join the Vaarppu Community

Log In Register

இவரின் பிற கவிதைகள்'

  • உறவு.. பார்வையின்.. வாசம் சுமக்கும்!!
  • காலத்தின் தரிப்பிலே.. தனி மரமாய்
  • தென்றல்..அற்புதத்தை..சோகம் சுரந்த

புதிய கவிதைகள்

  • இது என் முதல் கொலை.. சாதி மறு
    - வித்யாசாகர்
  • பூனையாகிய நான்…
    - தக்‌ஷிலா
  • ஆகாயம் ஆன்மாவைக் காத்திருக்கும் இரவு
    - எம்.ரிஷான் ஷெரீப்
  • இயைந்த நிலை
    - மௌனன்
  • இளம் விதவையின் சோகம் ...வெயிலோடு
    - சொ.சாந்தி
  • விடைகொடல்
    - ரவி (சுவிஸ்)
  • உன் வரவும் என் மரணமும்..அமைதி
    - மெய்யன் நடராஜ், டோஹா கட்டார்
  • கண்ணீர் துளிகள்
    - ச இரவிச்சந்திரன்
  • குறிப்பேட்டிலிருந்து.. நான் கழுதையாகி
    - மன்னார் அமுதன்
  • எமைப்பார்த்து.. நிற்கிறார் நிலைத்து
    - எம் . ஜெயராமசர்மா
  • ஆத்மாவின் ஒப்பாரி
    - இரா.சி. சுந்தரமயில்
  • சின்ன மகளின் செல்(லா)லக் கனவுகள்
    - த.எலிசபெத், இலங்கை
  • எப்போது என் கோபத்தைக் காட்டுவது?
    - முல்லை அமுதன்
  • யாமிருக்கப் பயமேன்.. மூன்றெழுத்து
    - கலாநிதி தனபாலன்
  • எழுத்துக்கள் இல்லாத புத்தகம்
    - முகில்
  • மராமரங்கள்
    - ருத்ரா
  • வலி நிறைத்துப்போன... வெறுமை
    - அக்மல் ஜஹான்
  • சிலுவை சுமக்கும்... தப்புக்கணக்கு
    - இனியவன்
  • வால் மட்டும்
    - ருத்ரா
  • வைகாசி வலி
    - வதனிநேசன்

Footer

  • கருத்துகள்
  • நூலகம்
  • படமும் வரிகளும்
  • மொழிபெயர்ப்புக் கவிதைகள்
  • Privacy policy
  • Cookie Policy
  • Terms of Use
  • எம்மைப்பற்றி
  • வாசல்
இன்றுவரை 2,867 கவிதைகள் | 671 கவிஞர்கள்
யாதும் ஊரே யாவரும் கேளிர்
© Vaarppu.com, 1998 - 2026. Powered by ExcelGra

Follow us on
Facebook | X | YouTube