மீண்டும் வருவாய் என..
----------------------------
கண்ணீர் நீங்கலாக
எனதன்பின் எச்சங்கள் உகுத்து
கூட்டுப்புழுவையொத்து
சுற்றிலும் வலை பின்னுகிறேன்
இங்கே இயல்பாயிருத்தல்
இயலாதெனினும்
அதை கிழித்து அப்புறத்தில்
பறந்துபோகும் ஆசையோ
பிறிதொரு வண்ணச்சிறகுகள் பற்றிய
கனவுகளோ ஏதுமில்லை
காற்றில் கரையும் உயிரை
தேடித்தேடி சேகரிக்கிறேன்
அள்ளிக்கொஞ்சவோ
அணுவணுவாய்க்கொல்லவோ
என்னைத்தேடிவரும் காலையில்
உனக்கது உபயோகமாயிருக்கும்
-கோகுலன்
gokulankannan@gmail.com
- கோகுலன்
பிரசுரிக்கப்பட்ட திகதி: 2008-10-12