இதழ்களின் ரேகைகள்
மாலை வானம் அன்று
மாய வர்ணங்களோடு மயங்கி
மாறுதலைப் பிரதிபலித்திருந்தது
மூச்சுக்காற்றின் சூடு
தட்பநிலை மாற்றங்களை
முடுக்கி விட்டிருந்தது
கண்கள் நான்கும் நேர்கோட்டில் நிற்க
சந்திர கிரகணங்கள்
சில நிகழ்ந்தேறின
அன்றலர்ந்த மலராய் அவள்
அங்கங்கள் சிவந்து நிற்க
தென்றலாய் வருடி அணைத்து
இதழ்கள் இணைத்தேன்
சுழன்று கொண்டிருந்த பூமி
சட்டென நின்றது
விண்ணில் நட்சத்திர மழை
பொழிந்து கொண்டிருந்தது
முதல் முத்தமெனும் புத்தகத்தில்
எங்களது இதழ்களின்
ரேகைகளும் பதிந்துபோயின
- வீ.கார்த்திகேயன்
பிரசுரிக்கப்பட்ட திகதி: 2007-12-31