மன சதுப்பு.. குடைக் கம்பிகள் எழுதும் கதைகள்
01.
மன சதுப்பு
------------------------
ஒரு
யோசனைக்கான
மனச் சதுப்பை
அல்லது
அந்த சதுப்பிலிருந்து
மீளுவதற்கான
யோசனையை
தொடர்ந்து செல்கிறது
ஒரு மௌனித்த
சிந்தனை ...
அது
நீடிக்கும் பட்சத்தில்
கண்முனையில் நிகழ்பவை
யாவும்
அந்த சதுப்பில்
விழுந்து மறைவதை
அறிந்தும்
அக்கண்கள்
அந்த
காட்சிகளுக்கு
முன் ஒரு
ஊமையாகத்
திறந்து தான் இருக்கின்றன ....!
02.
குடைக் கம்பிகள் எழுதும் கதைகள் ...!
---------------------------------------------
மழை தாண்டி வந்ததும்
திண்ணையில் விரித்து
வைக்கப்பட்டிருந்தது குடை
தரை தொடும் அதன் ஒவ்வொரு
கம்பிகளும் தரையில்
விழிநீர் வழிய எழுதிக்கொண்டிருந்தது
தன் கதைகளை .....
யாரும் வாசிப்பதற்க்காக இல்லை எனினும்
தன்னை சுருட்டி ஓரமாய் வைக்கையில்
சோகங்கள் மறந்து
தன் கனவின் மடிப்புகளுடன்
அடுத்த மழைவரைக்கும்
நிம்மதியாக தூங்கும்படிக்கு .....!
- கலாசுரன்
பிரசுரிக்கப்பட்ட திகதி: 2010-12-10