விரிகின்ற தாமரையோ.. காதலென்னும் உணர்வினிலே கலந்திட்ட போது
01.
விரிகின்ற தாமரையோ
--------------------------
நித்தமொரு மாலையிலே
முத்தமிடும் வேளையிலே
சத்தமின்றித் தென்றலது
யுத்தமொன்று புரியுதன்றோ
மலரொன்றின் ஏக்கத்திலே
புலர்கின்ற மாலையிலே
துலர்கின்ற இன்பத்தினை
உணர்கின்ற தாக்கமது
இயற்கையின் கானத்தில்
கேட்கின்ற ராகத்தில்
பிறக்கின்ற சாரத்தில்
சுரக்கின்ற நாதமழை
நினக்கின்ற வேளையிலே
நனைக்கின்ற நினவுமழை
கனக்கின்ற சுமைகளெல்லாம்
மறக்கின்ற கோலமது
சிதறுமந்த எண்ணத்துளிகள்
சேர்ந்து ஒரு குட்டையாகி
மலர்கின்ற கவிதையது அதிலே
விரிகின்ற தாமரையோ
02.
காதலென்னும் உணர்வினிலே கலந்திட்ட போது
---------------------------------------------------
காதலென்னும் உணர்வினிலே
கலந்திட்ட போது
கட்டுண்ட நினைவுகள்
சிக்குண்டு தவித்தன
சிந்தனையின் துளிகளெல்லாம்
தேனாகிச் சுவைத்தன
பிரிந்து சென்ற பொழுதெல்லாம்
வேம்பாகிக் கசந்தன
நின்னோடு இணைந்து நின்ற
நிமிடங்கள் துளிகளாக
கண்ணே நீ மறைந்த கணங்கள்
மணிகளாகிக் கனத்தன
கண்களின் வழியூடு மெதுவாய்
இதயத்தில் புகுந்தவள்
உன்னெஞ்ச மெத்தையில்
துயில்பவனென அறிந்ததும்
விண்ணோடும் முகில்களில்
தானோடி மகிழ்ந்தவன்
காதலென்னும் உணர்வுகளின்
நவரசத் தன்மைகள்
காலமெல்லாம் ருசித்திட
காணவேண்டும் உண்மைக்காதல்
கரும்பாகிக் இனித்திடும்
கனலாகித் தகித்திடும்
பலபொழுது கசந்திடும்
சிலநேரம் வியந்திடும்
தனதென்றால் சிலிர்த்திடும்
தனியாகச் சிரித்திடும்
ஆமாம்
காதலென்னும் உணர்வினில்
கட்டுண்ட வேளையில்
பிரசுரிக்கப்பட்ட திகதி: 2009-12-15