வருவாய் - என் தலைவா!..ஏனடி சென்றாய்...
01.
வருவாய் - என் தலைவா!..
எப்போது வருமென தெரியாது
தென்றலும் மழையும் - ஆனால்
அதில் மனம் நனையாதவர்
இருக்க முடியாது...
அதுபோல
எப்போது நீ வருவாய் என
எவருக்கும் தெரியாது
ஆனால் வருவாய் -
எம் இ(ம)னம் து(கு)ளிர - நீ
வருவாய் - என் தலைவா!..
02.
ஏனடி சென்றாய்...
அர்ச்சுனனின் வில்லை
அச்சுபுத்தகத்தில் பார்த்தவனிடம்
உன் இதழ்களில் பார்க்கவைத்து
ஏதும் அறியாதவனாக
ஏதோவென்று வாழ்ந்தவனை
எல்லாராலும் அறியபட்டவனாக்கி
என் வாழ்வினில் வந்து
ஏதும் அறியாதவள் போல
ஏனடி சென்றாய்?
-- வீ. இளவழுதி
பிரசுரிக்கப்பட்ட திகதி: 2012-01-25