ஆயுதம் மிரண்டால்.....
---------------------------------
ஐ.நா. விடம் சொல்லி வையுங்கள்!
ஆயுதம் அகிம்சை
அறியாது!
அணுவின் ஆட்சியில்.....
ஆளுமை தோற்கும்!
மனித நேயங்கள்
மான்பை இழக்கும்!
பச்சை வர்ணங்கள்
இனி பார்வை இழக்கும்!
காசு கொடுத்தால்தான்
காற்று!
எமனை மிஞ்சும் எரிவாயு!
மண்ணுக்கு பதிலாக
இனி மனிதப்பிணங்கள்!
இலையுதிர்காலம்
இனி இருக்காது!
ஈரக்காற்று இனி சுரக்காது!
ஐ.நா. விடம் சொல்லி வையுங்கள்!
இனி...பூனை கண்ணை முடிகொண்டால்
பூமி இருண்டுவிட்டது என்று அர்த்தம்!
அணுவின் ஆட்சியில்....
நிலவு கூட நெடுந்தூரம் தெரியும்!
இரவில் ஒளிந்த சூரியனக்
காலையில் தூசு தட்டி எழுப்பும்!
ஐ.நா. விடம் சொல்லி வையுங்கள்!
ஆயுதம் அகிம்சை
அறியாது!
பிரசுரிக்கப்பட்ட திகதி: 2011-12-12