நிறமில்லாத மனிதர்கள்
----------------------------------
சிவப்பாய்..கருப்பாய்
பளுப்பாய்..
இன்னும் கலந்தும் கலக்காத
நிறங்களில்.
மனிதர்கள்..
ஆடைகளுக்குள் ஒளிந்து கொண்டு
நிறங்களை மறைக்க...
மனிதனை மனிதனாக்க
சமயங்கள் எல்லாம்
தோற்று...
மதங்கள்..மனங்களில் வேரூன்ற
மனங்களில்
மதம் பிடித்த யானைகள்
தலைகளை கரும்புகளாய்!
மனிதன் தோற்க
சமாதானப் பேச்சுகள்...
இரத்தக் கம்பளங்களில்
இனம் அழியட்டும்..
பிறகு பேசுவோம்..
இல்லாத ஒன்றுக்காக....
இடது கையில் ஆயுதங்களையும்
வலது கையில் வெள்ளைப் புறாக்களையும்
ஏந்தி.......ஏந்தி......ஏந்தி
சமாதானம்
சந்தி சிரிக்க.......
மனங்கள் மண் தரையில்
புரண்டோட...
நிச்சயம் சமாதானம் பேசுவோம்...
மானுடமே இல்லாத
காடுகள் ஓரங்களில்!!!
-முனியாண்டி ராஜ்,
கிள்ளான், மலேசியா
பிரசுரிக்கப்பட்ட திகதி: 2009-01-22