"நீங்கள் சேர்ந்து பலகாலம் வாழுங்கள்
ஆயின், சேர்தலில் இடைவெளி இருக்கட்டும்" என்றான் கலீல் கிப்ரான்.
நிர்வாணியின் இந்தக்கவிதையில் இடைவெளியின்றி தன்னை மற்றவரிடம் தேடுதலின் ஆயாசத்தையும் அதன் தோல்வியையும் நன்கு காட்டியிருக்கிறார். நாமே நாம் எதிர்பார்ப்பது போல் வாழாத போது, மற்றவரிடம் எந்த "உரிமையில்" எதிர்பார்க்கிறோம்? திருமணம் தந்த உரிமையா? இதுதான் பெரும்பாலான காதல் திருமணங்களுக்குத் தோல்வியைத்தருகிறதா? ஏராளமான கேள்விகளை எழுப்புகிறது இவ்வரிகள்.
ஆயின், காதல் என்பது " கட்டுக்குள் - சட்டதிட்டங்களுக்குள் " அகப்படாதது என்பது எல்லோரும் பேசுவோம். தனக்கென்று வரும்போது ஏமாற்றங்கள் எதிர்பார்ப்புகளின் விடையாக வரும்போது துவளுகிறோம். உண்மயான காதலை திருமண வாழ்வில் நாளும் புதுப்பித்துக்கொள்வது என்பது அறிவுறையாகலாமேவொழிய ,சாத்தியப்படாதது . இருப்பினும் காதலின் வலிமையினை ஒரு வார்த்தையில் சொல்லிவிட்டார்.
"மீண்டும் அவளைக் காதலிக்க வேண்டும்"
கடைசி வரிகள் தேவையில்லையோ எனத் தோன்றுகிறது...
இருப்பினும் எதிர்பார்ப்பின்றி " இக் கவிதையைக் காதலிக்கலாம்"
அன்புடன்
ஸ்ரீமங்கை
Comments