பலூன் ஒரு பாலை நிலப்பூ.. உடைந்த கண்ணாடியும் தலைவி குறித்த நினைவுகளும்
01.
பலூன் ஒரு பாலை நிலப்பூ
------------------------------------
காத்திருப்புக்களின்
முடிவில் வரும் தலைவனுக்கென
பலூன்கள் ஊதப்பட்டு
தொங்க விடப்படுகையில்
அவற்றின் மஞ்சள் நிறம்
வெயிலுடன் புணர்ந்து
வெடித்து இதழ்களாகும்
அவ்விதழ்களைப் போலவே
தலைவுயும் சுருக்கம் கொள்கிறாள் ஏனோஒ!
02.
உடைந்த கண்ணாடியும்
தலைவி குறித்த நினைவுகளும்
------------------------------------------------
ஒரு நிலைக் கண்ணாடி
சில்லுகளாக உடைக்கப்பட்டபோது
ஒற்றைத் தலைவி பல்லாயிரத்தவளாக
பார்க்கக் கிடைத்தாள்
புரான மலர் உருவமுடையவள்
வாடியும் வாசமற்றவளாகவும்
தன் மயிர்க் கொடிகளைக்
காற்றில் துழாவி நடக்கையில்
கால்கள் புண்பட்டு
சில்லுகள் சிவப்பாகின்றன.
பிரசுரிக்கப்பட்ட திகதி: 2015-11-05