Skip to main content
Home
Vaarppu
A Tamil poetry magazine

Main navigation

  • கவிஞர்கள்
  • கவிதைகள்
  • விமர்சனங்கள்
  • நேர்காணல்கள்
  • கட்டுரைகள்
User account menu
  • Log in

Breadcrumb

  1. Home

ஓற்றைக்கதவும்.. நோர்வே சில தூரம்

- கவிதா. நோர்வே

ஓற்றைக்கதவும் ஒரு குழந்தையும்.. நோர்வே சில தூரம்

01.
ஓற்றைக்கதவும் ஒரு குழந்தையும்...
------------------------------------------

வடலி குலைந்து
வானம் பார்த்தபடி
ஒற்றைப்பனை

அதன் மேல்
அக்கினி உமிழத் தயாராக
ஊர் நிலவு

குருதி படிந்த
வேலி இடுக்கில்
தலை கிழிந்த
ஒரு புகைப்படம்

கிடுகின் பொந்தல்லூடு
புன்னகை மறந்து
பொசுங்கிப்போன
ஒற்றைக்கை உருவம்

தன்நிலை மறந்து
கோவிலடி ஆலமரம்
அம்மன் பாவம்
ஒரு கண்ணுடனும்
ஒற்றைக் காலுடனும்
அதே...
அப்பாவிச் சிரித்த முகம்

காற்றில் அலைந்து
களைத்து விழுகிறது
ஒரு துளி மழை

மழைத்துளி விழுந்தாலும்
எதோ என்று
பதறியடித்து
பதுங்கிக்கொள்கிறது
உடைந்த ஒற்றைக் கதவடியில்
ஒரு குழந்தை

ஏன் என்பதை
முழுவதுமாய் யாராவது
இனியேனும் உணரக்கூடும்...?



02.
நோர்வே சில தூரம்
----------------------------

சூரியனைக் கொன்று...
விழுங்கிப் பிரசவிக்கும்
கறுப்புப்பகலின் தியானத்திற்குள்
முயங்கிக்கிடக்கிறது
பனிகாலம்

இரவுபகலாய்
ஓய்வு தொலைத்த சூரியன்
வீட்டு முற்றதைச்
அமானுஷ்ய அமைதியில்
ஆக்கிரமிப்புப் செய்கிறது
இது கோடை

மலைமுடிச்சுகளின் உச்சியில்
தம்மை ஏற்றி
எழுந்து நிற்கும்
வெள்ளை முகங்களும்
அதே
மலைக்குவியல்களுக்குள்
முகம் தொலைத்த
கறுப்பு மனிதர்களும்
கலந்து கரைவர்

பனி மூடிய வீடுகளுள்
தீ மூட்டி
குளிர் காய்வதும்
உயிர் வாழ்வதும் இங்கு
சிலருக்குப் போதுமானது


சில நாள் நாடுகடந்து
மீண்டும் வந்து
முகம் தொலைக்க
பழகிவிட்டது சிலருக்கு.
எனக்கும்...

நாடு மலருமெனச்
சபதஞ்செய்த
ஓலங்கள்...
புதிது புதிதாய்
கண்டெடுக்கும்
அன்றன்று விரிந்த
மாயக்கூட்டினுள்
மல்லாந்து கிடக்கிறது...

கறுப்பைத் தவிர்ந்து
எம்மில் அனைத்தும் களைந்து
நிர்வாணமாய்
எங்கள் ஒற்றுமை.

மரணம் வாழும்
எங்கள் மண்ணில்
இன்று
ஊர் போய் சேர
யார்க்கும் தடையில்லை

இங்கிருந்து எல்லாம்
பொறுக்கவும் பெருக்கவுமே
போதுமானதாய் இருப்பதால்...

கறுத்தவிடியலிலும்
வெள்ளையிரவுகளிலும்
ஆழ்மன அலைகள் கரையேற்ற
நிதான நிமிசங்களை
சந்ததிக்கும் சேர்த்தே சிருஷ்டிக்க...

பனி ஒழுகி
பூ மலரும் ஒர்நாள்
சொந்தங்களே உம்மையிங்கு
சில பொழுதிலேனும்
ஒருசேரக்
காண விரும்புகிறேன்
பிரசுரிக்கப்பட்ட திகதி: 2010-07-14


Join the Vaarppu Community

Log In Register

இவரின் பிற கவிதைகள்'

  • முடிவென்ன?
  • மொழி... எது கவிதை?
  • நிழல் நிஜம்
  • செக்குமாடு... திரௌபதை
  • சகலமும் நான்
  • காதலில்
  • காத்திருக்கிறேன்
  • கறுப்புதேசம்
  • பயணங்கள் முடியட்டும்
  • மூலைகள்
- மேலும்..

புதிய கவிதைகள்

  • இது என் முதல் கொலை.. சாதி மறு
    - வித்யாசாகர்
  • பூனையாகிய நான்…
    - தக்‌ஷிலா
  • ஆகாயம் ஆன்மாவைக் காத்திருக்கும் இரவு
    - எம்.ரிஷான் ஷெரீப்
  • இயைந்த நிலை
    - மௌனன்
  • இளம் விதவையின் சோகம் ...வெயிலோடு
    - சொ.சாந்தி
  • விடைகொடல்
    - ரவி (சுவிஸ்)
  • உன் வரவும் என் மரணமும்..அமைதி
    - மெய்யன் நடராஜ், டோஹா கட்டார்
  • கண்ணீர் துளிகள்
    - ச இரவிச்சந்திரன்
  • குறிப்பேட்டிலிருந்து.. நான் கழுதையாகி
    - மன்னார் அமுதன்
  • எமைப்பார்த்து.. நிற்கிறார் நிலைத்து
    - எம் . ஜெயராமசர்மா
  • ஆத்மாவின் ஒப்பாரி
    - இரா.சி. சுந்தரமயில்
  • சின்ன மகளின் செல்(லா)லக் கனவுகள்
    - த.எலிசபெத், இலங்கை
  • எப்போது என் கோபத்தைக் காட்டுவது?
    - முல்லை அமுதன்
  • யாமிருக்கப் பயமேன்.. மூன்றெழுத்து
    - கலாநிதி தனபாலன்
  • எழுத்துக்கள் இல்லாத புத்தகம்
    - முகில்
  • மராமரங்கள்
    - ருத்ரா
  • வலி நிறைத்துப்போன... வெறுமை
    - அக்மல் ஜஹான்
  • சிலுவை சுமக்கும்... தப்புக்கணக்கு
    - இனியவன்
  • வால் மட்டும்
    - ருத்ரா
  • வைகாசி வலி
    - வதனிநேசன்

Footer

  • கருத்துகள்
  • நூலகம்
  • படமும் வரிகளும்
  • மொழிபெயர்ப்புக் கவிதைகள்
  • Privacy policy
  • Cookie Policy
  • Terms of Use
  • எம்மைப்பற்றி
  • வாசல்
இன்றுவரை 2,867 கவிதைகள் | 671 கவிஞர்கள்
யாதும் ஊரே யாவரும் கேளிர்
© Vaarppu.com, 1998 - 2026. Powered by ExcelGra

Follow us on
Facebook | X | YouTube