இடம்.. அலைபாயுதே.. மேய்ச்சல் நிலம்
01.
இடம்
--------------
"பேருந்தில்....
குழந்தையுடன் நின்ற
அம்மாவுக்கு
எழுந்து இடம் கொடுத்தார்
பெரியவர் !
அம்மா உட்கார்ந்ததும்
குழந்தை தாவியது
நின்றுக் கொண்டிருந்த
அப்பாவிடம்...!"
02.
அலைபாயுதே
----------------------
"என்னதான் நம்
உடம்பு ஆண்டவனை
தரிசித்தாலும்...
மனசு என்னவோ
வெளியில் விட்ட
செருப்பின் மீதுதான்...!"
03.
மேய்ச்சல் நிலம்
---------------------------
'பயணங்களில்...
ஜேம்ஸ் ஹார்ட்லீ சேஸோ,
சுஜாதாவோ...
யாருடைய நாவலை படித்தாலும்,
ஆவலுடன் மேய்கிறோம்...
பக்கத்து இருக்கையில் இருப்பவர்
படிக்கும் தினசரியை..!'
பிரசுரிக்கப்பட்ட திகதி: 2009-06-01