ஒற்றை மொக்கும் தொடர்ந்த எண்ணங்களும்
------------------------------------------
அன்றைக்குப் பார்த்தேன்
தனித்ததொரு ஒற்றை மொக்கு
தெருவில்.... புழுதியில்....
அவ்வழி சென்ற பூக்கூடையிலிருந்து
தவறி விழுந்திருக்குமோ..
அலங்காரக் கூந்தலில்
அழுந்தியிருக்கப் பிடிக்காமல்
வெளியேறியதாயிருக்குமோ...
ஒருவேளை...
அங்கே செல்கின்ற
இறுதி யாத்திரையின்
இரங்கல் துளியோ...
எப்படியோ....
பறிக்கப்பட்டபின்
பறிகொடுக்கப்பட்டதாய் இருக்கும் அது!
- இப்னு ஹம்துன்
-------------------
H.FAKHRUDEEN
பஃக்ருத்தீன் (இப்னு ஹம்துன்)
+966 050 7891953
www.ezuthovian.blogspot.com
www.mypno.blogspot.com
பிரசுரிக்கப்பட்ட திகதி: 2008-09-14